Situata në Veriun e Kosovës vijon të mbetet e tensionuar, pasi serbët kanë sulmuar Policinë dhe EULEX-in disa herë me bomba molotov. Ditën e sotme, ishte Presidenti serb Aleksandër Vuçiç i cili iu bënte thirrje forcave paralele serbe, që të mos dorëzoheshin përballë autoriteteve kosovare.
Për deputetin e PS-së Pandeli Majko, mbështetja e Vuçiçit ndaj serbëve në Veri të Kosovës, është një skenar i ngjashëm me atë të Dondasit, i cili u përdor nga Rusia si pretekst për të sulmuar Ukrainën.
Po ashtu Majko shton se Vuçiç nuk duhet nënvlerësuar.
Postimi i Majkos:
Serbia ka filluar një “lodër” të vjetër në kushte të “reja” me Perëndimin.
Në veriun e Kosovës po zhvillohet “skenari” i Donbasit në Ukrainë.
Asnjëherë, nuk duhet nënvlerësuar dikush që mbivlerëson veten. Në këtë rast, ai quhet Aleksandër Vucic!